لحظهُ ... بس ما بتطول للابد

أوقات بتكون محتاج حد بس يقعد جنبك وانت ساكت او يمسك إيدك ، يطبطب عليك و ياسلام لو يحضنك من غير ما تتكلموا بعدهاا و تمشواا.. 

اللحظات اللي بنمر بيها بقت غريبه وسريعه  مبقناش فاهمين احنا مالنا ولا هماا اللي حوالينا دول مالهم و ماشي تدور ع أجابه لسؤالك " هو فى ايه؟! 

الواحد بقي بيريح دماغه و بيقتصر اي مجادلات و نقاشات ممكن ندخل فيهاا " اللي هو انت صح عندك حق عندي انا دي متزعلش الغلط مني مش هتتكرر "

ببساطه انت من جواك مش عارف ايه اللي وصل لكده بس لو عملت غيره متلومش غير نفسك بقي و قابل .

اهم حاجه فى اليوم ويمكن الوجود ااالموبايل 

الموبايل يكون مشحون و هيدفون سليمه و صوتها عالي وإما بعد ذلك ف سيبك دي شكليات لا تهم

at all 

الواحد كان فاكر و هو صغير ان الكبار دول عايشن الحياه خروج و شغل و لبس و سفر طول الوقت و ليلو ليلو لاالا لاااه 

هو مش لازم تكون غني فشخ علشان  تسافر و تخرج و تلبس في ناس بتعمل ده وهما مستواهم عادي الفكره انهم عرفوا ينظموا ده و كان في اولويات  سهله المشكله مش هنااا اقولك فين المشكله ركز معاياا كده 

يا تري انت كبرت ولاقيت شغل او وظيفه ثابته محترمه تليق بدراسه متواسطها ١٦ سنه!! 

طيب لو لاقيت يا تري مرتبك بيصرف عليك ولا انت اللي بتصرف عليه؟؟

بلاش دول ياتري اهلك شايفينك كبرت كفايه انك تشتغل و تخرج و تسافر و تروح و تيجي و لا حتي تغلط و تتعلم من غلطك ده ولا حتي ان شالله ماعننا  اتعلمناا هما مش شايفنينا اصلاا
،بس علشان مبقاش بببالغ في اهالي سايبين عيالهم خالص لدرجه انهم معرفوش هما كبروا امتي ..

لا دول صح و لادول :(

الواحد لا عارف العيب فينا ولا في تربيه اهلينا اذا تواجدت التربيه 

سيبك من كل العك ده بقي تلاقي في وسط كل ده لسه حاجه جواك شغف كده خير اللهم اجعله خير قال ايه " تحب و تدخل في علاقه و تعوض اللي اتحرمت منه اياً كان ايه نوع الحرامان

" اللي هو يا اخي مشبعتش خوازيق بقي مالك !!

نتكلم جد شويه الحقيقه مش هو ده اللي انتـ عايزوا لا مافيش طاقه خلاص إنك تفشل تانى هي ممكن تكون تجربه ،اتنين ، خليهم ثلاثه بس قسموا ضهرك! 


 مش مسمي علاقه بتنطبق ع حب بين ولد و بنت 

اوقات علاقه الاهل طرف الاب و الابنه والام و الابن ،اخواتك مثلاا قرايبك اللي مبقتش حتي تشوفهم ف العيد! و اماا عن اللهم احفظنا  الصحاب هقول ايه 

المهم.... 

هما حقيقي موجودين و مش سايبينك هما موجودين مع كل الناس الا انت :)

وقتها تحس كده يعني ايه يبقي جواك احساس نفسك تجرب مشاعر موجوده لكن صراحه مبقاش في طاقه للشغف ده من تاني حاسس!! 

بس متخافش انت مش لوحدك اللي كده ولا انتي لوحدك هناك مقوله تقول

" لستُ وحدك كلنا هذا الشخص"

لكن الغريب ان في اشخاص موجوده رغم الدايره اللي بنلف كلنا فيهاا الا انهم قادرين يكونوا مختلفين بيستمدوا طاقه بانهم يحولوا الضعف اللي فينا ده ل لحظه فيها أمل اه امل عارفهم الناس دول تحس انهم بيقولوا لا الظلمه دي فيها حاجه حلوه رغم انها ظلمه يعني ع راي السيدة فيروز لما غنيت 

" في امل ايه في امل اوقات بيطلع من ملل"

و متفكرش خالص في ولاد الكلب اللي بيستغلوا الظلمه و التوهه اللي احنا فيها دي و يحولوها لسواد ،،،
 برغم انتشار النوع ده الا ان مافيش لقب حقيقي يوصفهم ماعلينا نرجع لكلامنا عادي ولا كاننا جيبنا سيرتهم ...

مهم اننا نفهم الرساله ولا حتي ما نفهم مش مشكله خالص مش هتبقي اول مره منفهمش ،كفايه اننا نعرف ان لسه في حاجات جوانا موجوده و في مشاعر اه مدفونه و متربه و عدي عليها الزمن بس بيجي حد كل فتره ينضفها و يورينا قيمتها وانها تستاهل و لو مشي ما يمشي متزعلش هي يعني اول ولا اخر مره 

اهم حاجه نستمتع بالوقت ده ايام كانت ولا ساعات ان شالله تكون لحظه تكون مجرد لحظه وتمشي كفايه اووي مش كده هتخلينا نكمل الي جاي و نستحمل الايام الي احنا فيها دي لحد ما نخرج منها ع خير ،، كفايه لحظه 

لحظه جديدة.. لحظه لو ل لحظه :)